پولیس نے عدلانہ چوک میں کیمیکل ڈور تیار کرنیوالی فیکٹری پر چھاپہ مار کر مالک کو گرفتار کرلیا ہے۔
تفصیلات کے مطابق بہاولنگر میں پولیس نے کارروائی کرتے ہوئے عدلانہ چوک میں کیمیکل ڈورتیارکرنیوالی فیکٹری پر چھاپہ مارا۔ بہاولنگر میں کیمیکل ڈور بنانےوالی فیکٹری کے مالک طارق کو حراست میں لے لیا گیا۔
پولیس نے بتایا کہ فیکٹری سے کیمیکل ڈورکی درجنوں چرخیاں قبضہ میں لے لی گئی ہیں جبکہ مالک کے خلاف مقدمہ درج کرلیا گیا ہے۔
- Advertisement -
فیکٹری سے کیمیکل ڈور، کانچ پاؤڈر اور رولنگ و کلرمشین سمیت جدید سامان برآمد کیا گیا۔ یہاں سے کیمیکل ڈور تیار کرکے مختلف شہروں میں بھیجی جاتی تھیں۔
پولیس نے مزید بتایا کہ ملزم قصور کا رہائشی ہے، اس نے پولیس کارروائی سے بچنے کیلئے بہاولنگر میں فیکٹری بنا رکھی تھی۔
