The news is by your side.

Advertisement

“کرسپر” کی موجد دو خواتین سائنس دانوں‌ نے کیمیا کا نوبیل انعام اپنے نام کرلیا

جین ایڈیٹنگ کی انقلابی تکنیک ’’کرسپر‘‘ ایجاد کرنے والی سائنس داں ایمانوئل کارپنٹیئر اور جنیفر اے ڈوڈنا نے 2020 کا کیمسٹری کا نوبیل انعام اپنے نام کرلیا۔

یہ پہلا موقع ہے جب سائنس کے شعبے کا مشترکہ نوبل انعام خواتین کو دیا گیا ہے۔

یہ اعلان رائل سوئیڈش اکیڈمی آف سائنسز کے سیکریٹری جنرل پروفیسر گوران کے ہینسون نے کیا۔ انھوں نے بتایا کہ دونوں خواتین کو جینوم ایڈیٹنگ تکینیک دریافت کرنے پر انعام دیا گیا ہے، اس تکنیک کے ذریعے جانوروں، درختوں اور مائیکرو آرگینزم کے ڈی این اے تبدیل کیے جاسکتے ہیں۔

کیمیا کا نوبیل انعام حاصل کرنے والی ایمانوئل کارپینٹیئر کا تعلق فرانس سے ہے جب کہ جینیفر ڈوڈنا امریکی سائنس داں ہیں۔

ماہرین کا کہنا ہے کہ ان خواتین سائنس دانوں‌ کی یہ ایجاد انقلابی اثرات کی حامل ہے اور یہ کینسر جیسے مرض کے علاج کے نئے طریقے سامنے لانے کا باعث بنے گی جب کہ مستقبل میں اس تیکنیک کے سبب کئی موروثی بیماریوں کا علاج بھی ممکن ہوسکے گا۔

Comments

یہ بھی پڑھیں