لاہور : بھارت سے آنے والے دریائے چناب کے پانی میں کمی ریکارڈ کی گئی، جس کے بعد پانی کی آمد 25 ہزار کیوسک اور اخراج 3 ہزارکیوسک رہا۔

تفصیلات کے مطابق بھارت سے آنے والے دریائے چناب کے پانی میں 9 ہزار 400 کیوسک کمی ریکارڈ کی گئی۔

ترجمان واپڈا نے بتایا کہ ہیڈ مرالہ کے مقام پر دریائے چناب میں پانی کی آمد 25 ہزارکیوسک اور اخراج 3 ہزارکیوسک رہا جبکہ گزشتہ روز دریائے چناب میں پانی کی آمد 34 ہزار 100 کیوسک ، اخراج 5 ہزار 400 کیوسک تھا۔

ترجمان کا کہنا تھا کہ تربیلا کے مقام پردریائے سندھ میں پانی کی آمد 10 ہزار 400 کیوسک کمی ریکارڈ کی گئی، دریائے سندھ میں آج پانی کی آمد 81 ہزار 400کیوسک اور اخراج ایک لاکھ 55 ہزار 900 کیوسک ہے۔

دریائے جہلم میں پانی کی آمد میں 1200 کیوسک کمی ریکارڈ کی گئی ، منگلا کے مقام پر دریائے جہلم میں پانی کی آمد 33 ہزار 200 کیوسک اور اخراج 25ہزارکیوسک ہے۔

اسی طرح چشمہ بیراج میں پانی کی آمد ایک لاکھ 98 ہزار 600 کیوسک اوراخراج ایک لاکھ 80 ہزار کیوسک ہے۔

مزید پڑھیں : دریائے چناب میں اچانک پانی کی آمد میں بڑا اضافہ ریکارڈ

دریائے کابل میں پانی کی آمد میں 2100 کیوسک کمی ریکارڈ کی گئی ہے ، نوشہرہ کے مقام پر دریائے کابل میں پانی کی آمد 23 ہزار 300 کیوسک اور اخراج 23 ہزار 300 کیوسک رہا۔

ترجمان کے مطابق تربیلا ڈیم میں آج پانی کی سطح 1469.32 فٹ اور پانی کا ذخیرہ17 لاکھ 77 ہزارایکڑ فٹ ہے جبکہ منگلا میں آج پانی کی سطح 1163.75فٹ اور پانی کا ذخیرہ 22 لاکھ 93 ہزار ایکڑ فٹ ہے۔

چشمہ میں آج پانی کی سطح 644.80 فٹ اور پانی کا ذخیرہ 1لاکھ 35 ہزار ایکڑ فٹ ہے جبکہ آبی ذخائر میں قابل استعمال پانی کا مجموعی ذخیرہ 42 لاکھ 5 ہزار ایکڑ فٹ ہے۔