The news is by your side.

Advertisement

بھارت میں ڈرائیور نے خاتون کو بس تلے روند دیا

چنائی: بھارتی ریاست تامل ناڈو میں بس ڈرائیور نے سائیکل سوار کو روند دیا، جس میں خاتون، شوہر اور اُن کے دو بچے زخمی ہوئے ہیں۔

بھارتی میڈیا رپورٹ کے مطابق حادثے میں زخمی ہونے والی خاتون کی شناخت سنگیتا کے نام سے ہوئی، جو گھروں میں کام کر کے اپنا گزر بسر کرتی ہیں۔

خاتون اپنے شوہر اور دو بچوں کے ساتھ سائیکل پر کام سے واپس گھر جارہی تھیں کہ اسی دوران تیز رفتار بس ڈرائیور نے انہیں روند دیا۔

یہ واقعہ پیر کی رات ویلچیری میں واقع 100 فٹ چوڑے روڈ پر پیش آیا، جس میں 37 سالہ خاتون شدید زخمی ہوئیں جبکہ اُن کے دو بچے اور شوہر کو معمولی چوٹیں آئیں۔

پولیس حکام کے مطابق سنگیتا سائیکل پر سڑک کی دوسری طرف جانے کی کوشش کررہی تھیں کہ اسی دوران ڈرائیور نے تیزی سے بس کو گھما دیا۔حادثے میں سنگیتا موقع پر ہی جاں بحق ہوگئیں تھیں، جن کی لاش کو ضابطے کی کارروائی کے لیے قریبی اسپتال منتقل کیا گیا۔

پولیس نے بس کو تحویل میں لے کر تھانے منتقل کیا اور پھر منگل کے روز ڈرائیور کو گرفتار کر کے انڈین پینل کوڈ کی دفعات 279، 304 اے کے تحت مقدمہ درج کرلیا۔

Comments

یہ بھی پڑھیں