راولپنڈی : حکومتی اقدامات کے باعث مرغی کے گوشت کی قیمتوں میں کمی آگئی اور قیمت 50روپے فی کلو کم ہوکر 850 تک پہنچ گئی۔
تفصیلات کے مطابق آر وائی نیوز کی خبر پر حکومتی اقدامات کے باعث مرغی کے گوشت کی قیمتوں میں اضافہ رک گیا ، چکن کا گوشت 19200 روپے فی من سے کم ہوکر 16400روپے کا ہوگیا۔
چکن کے گوشت کی قیمت 50روپے فی کلو کم ہوکر 850 تک پہنچ گئی ، اب زندہ برائلر چکن کی قیمت 530 روپے کلو سے کم ہو 460 ہوگئی،۔3.
یاد رہے راولپنڈی میں برائلر چکن کی قیمت میں ریکارڈ اضافہ ہوا تھا، قیمتوں میں 2 ہفتے میں 450 روپے فی کلو اضافہ ریکارڈ کیا گیا۔
مزید پڑھیں : مرغی کا گوشت 900 روپے کلو ہوگیا
جس کے بعد چکن کے گوشت کی قیمت 450 روپے بڑھ کر 900 روپے فی کلو سے تجاوز کر گئی تھی جبکہ زندہ برائلر چکن 2 ہفتوں میں 285 سے بڑھ کر 530 روپے فی کلو تک پہنچ گئی تھی۔
دوسری جانب لاہور میں بھی چکن کے گوشت کی قیمتوں کو پرلگ گئے تھے اور گزشتہ 15 دن میں قیمت میں تقریباً 200 روپے اضافہ ہوا اور آج گوشت کی سرکاری کی قیمت 596 روپے ہے۔
