The news is by your side.

وزیراعلیٰ محمود خان کا عید سادگی سے منانے کا فیصلہ

پشاور: کرونا صورت حال کے پیش نظر وزیراعلیٰ خیبرپختونخوا محمود خان نے عید سادگی سے منانے کا فیصلہ کرلیا اور کابینہ ممبران کو بھی خصوصی طور پر ہدایت کی ہے۔

تفصیلات کے مطابق خیبرپختونخوا کے وزیراعلیٰ محمودخان نے کابینہ ممبران کو بھی عید سادگی سے منانے کی ہدایت کردی اور کہا کابینہ ممبران عید میں سیاحتی مقامات پر جانے سے گریز کریں، کابینہ ممبران اپنے حجروں میں لوگوں سے عیدنہ ملیں، ابھی سیاحتی مقامات کو کھولنے کا فیصلہ نہیں ہوا ہے۔

انہوں نے کہا کہ عوام بھی سیاحتی مقامات کی طرف جانے سے اجتناب کریں، عید پر کرونا کا پھیلاؤ روکنے کے لیے عوام احتیاطی تدابیر پر عمل کریں،عوام عید سادگی سے اپنے گھروں پر منائیں۔

محمود خان کا کہنا تھا کہ عوام عید کے ایس او پیز پر عملدرآمد کے سلسلے میں انتظامیہ سے تعاون کرے، عید پر کرونا کا ممکنہ پھیلاؤ روکنے کے لیے عوام ذمہ داری کا مظاہرہ کریں۔

انہوں نے اپیل کی کہ عید پر ایک دوسرے سے عید ملنے اور رش لگانے سے گریز کیا جائے۔

Comments

یہ بھی پڑھیں