اسلام آباد: وزیر اعظم عمران خان سے برطانوی ڈیفنس چیف جنرل سر نکولس پیٹرک کارٹر نے ملاقات کی ہے۔
تفصیلات کے مطابق برطانیہ کے چیف آف ڈیفنس اسٹاف جنرل سر نکولس کارٹر نے وزیر اعظم عمران خان سے ملاقات کی۔
وزیر اعظم آفس میں ہونے والی اس اہم ملاقات میں پاک برطانیہ تعلقات پر تبادلہ خیال کیا گیا، ڈی جی آئی ایس آئی لیفٹیننٹ جنرل فیض حمید بھی ملاقات میں موجود تھے۔
General Sir Nicholas Patrick Carter, Chief of Defence Staff UK, called on Prime Minister Imran Khan at PM Office today.
Pak-UK relations were discussed during the meeting. pic.twitter.com/67Pdj1pDln— Govt of Pakistan (@pid_gov) August 5, 2019
خیال رہے آج وزیر اعظم عمران خان نے ترک صدر رجب طیب اردوان سے ٹیلی فون رابطہ کیا ہے، جس میں دونوں رہنماؤں نے مقبوضہ کشمیر کی موجودہ صورت حال اور بھارتی جارحیت پر تبادلہ خیال کیا۔
تازہ ترین خبریں پڑھیں: عمران خان، طیب اردوان رابطہ، مقبوضہ کشمیر کی موجودہ صورت حال پر تبادلہ خیال
اس موقع پر وزیر اعظم عمران خان نے کہا کہ کشمیر کی خصوصی حیثیت ختم کرنے کا اقدام خطے کے امن پر اثر انداز ہوگا، اس صورت حال میں پاکستان کشمیریوں کی سفارتی اور اخلاقی حمایت جاری رکھے گا۔
ترک صدر نے کشمیر کی موجودہ صورت حال پر اظہار تشویش کرتے ہوئے پاکستان کو ہر ممکن تعاون کی یقین دہانی کرائی۔
قبل ازیں وزیر اعظم نے ملیشین ہم منصب مہاتیر محمد سے رابطہ کر کے کشمیر کی صورت حال پر تفصیلی گفتگو کی تھی، وزیر اعظم نے کہا کشمیر کی خصوصی حیثیت ختم کرنا عالمی قوانین کی خلاف ورزی ہے۔
