The news is by your side.

Advertisement

چلی فضائیہ کا طیارہ 38 افراد سمیت لاپتہ

سانتیاگو : جنوبی امریکی ملک چلی کی فضائیہ کا طیارہ انٹارکٹکا جاتے ہوئے 38 مسافروں کے ہمراہ لاپتہ ہوگیا۔

غیر ملکی خبر رساں ایجنسی کی رپورٹ کے مطابق چلی کی فضائی افواج کا کہنا ہے ہرکولیس سی 130 طیارے نے انٹارکٹکا بیس کےلیے اڑان بھری تھی اور اس پر 38 لوگ سوار تھے جن میں 35 فوجی شامل ہیں۔

دوران پرواز طیارے سے تقریبا سوا گھنٹے تک رابطہ رہا ہے تاہم جیسے ہی طیارے نے اپنی منزل تک پہنچنے کےلیے آدھا راستہ طے کیا طیارے سے رابطہ منقطع ہوگیا۔

چلی حکام نے الرٹ جاری کرتے ہوئے طیارے کی تلاش کے لیے امدادی ٹیم روانہ کی لیکن تاحال اس کا کوئی سراغ نہیں مل سکا، سرچ آپریشن میں ایک بحری جہاز بھی حصہ لے رہا ہے۔

غیر ملکی میڈیا کے مطابق طیارے پر سوار افراد میں ایئر فورس کے 32 اہلکار، 3 آرمی، ایک سائنس دان اور 2 مسافر شامل ہیں جن کا تعلق ایک ہی کمپنی سے تھا۔

میڈیا رپورٹس میں بتایا گیا ہے کہ یہ افراد انٹارکٹکا میں واقع چلی کے ایک فوجی اڈے میں سہولیات کی دیکھ بھال کے لیے جارہے تھے۔

واضح رہے کہ انٹارکٹکا برف سے ڈھکا ہوا دنیا کا انتہائی جنوبی براعظم ہے جہاں قطب جنوبی واقع ہے، وہاں کوئی مستقل انسانی بستی نہیں ہے، صرف سائنسی تجربات کے لیے مختلف ممالک کے سائنس دان مقیم ہیں۔

Comments

comments

یہ بھی پڑھیں