چین نے تائیوان کو ہتھیاروں کی فروخت کرنے پر امریکی کمپنی نارتھ روپ گرومن اور لوک ہیڈ مارٹن نامی دو کمپنیوں کو بلیک لسٹ کردیا۔
تفصیلات کے مطابق امریکا کے تائیوان کو اسلحہ فروخت کرنے کے معاملے کے بعد چین نے 2 امریکی ملٹری کمپنیوں پر پابندی عائد کردی۔
غیر ملکی خبر رساں ادار ے کی رپورٹ کے مطابق ترجمان چینی وزارتِ خارجہ نے اس بات کی تصدیق کی اور خبردار کیا ہے کہ اگر واشنگٹن تائیوان کے ساتھ مزید فوجی معاہدے کرتا ہے تو اس کا سخت ردعمل سامنے آئے گا۔
چینی وزارتِ خارجہ کے ترجمان نے اپنے بیان میں واضح کیا ہے کہ چین نے امریکی کمپنی نارتھ روپ گرومن اور لوک ہیڈ مارٹن پر پابندی لگانے کا فیصلہ کیا ہے۔
چینی وزارتِ خارجہ کے ترجمان کا یہ بھی کہنا ہے کہ امریکی کمپنیوں کو تائیوان کو اسلحہ دینے پر پابندی کا نشانہ بنایا گیا ہے۔
