چائنا کٹنگ: ڈھائی ارب مالیت کی زمین غیرقانونی طورپر لیز کی گئی،نیب -
The news is by your side.

Advertisement

چائنا کٹنگ: ڈھائی ارب مالیت کی زمین غیرقانونی طورپر لیز کی گئی،نیب

کراچی : نیب حکام نے سندھ میں زمین کی غیرقانونی لیز کاکچاچٹھا کھول دیا۔ ایڈمرل ریٹائرڈ سعید احمد سرگانہ نے کہا ہے کہ چائنا کٹنگ کے ذریعے ڈھائی ارب روپے مالیت کی زمین لیز کی گئی۔

سندھ میں چائنا کٹنگ کے ذریعے زمینوں کی غیرقانونی لیز کے باعث قومی خزانے کو اب تک اربوں روپے کا نقصان پہنچایا جا چکا ہے.

صوبائی حکومت تاحال بے خبر ہے ،نیب حکام نے خط لکھا تو حکام کو ہوش آیا۔ بارہ ہزار ایکڑ زمین کی لیز ختم کردی گئی۔

ڈپٹی چیئرمین نیب ایڈمرل ریٹائرڈ سعید احمد سرگانہ نے انکشاف کیاکہ سندھ میں بائیس ہزار ایکڑ زمین کی غیر قانونی لیزکے لئے چائنا کٹنگ کاراستہ اختیار کیاگیا۔انہوں نے اس تاثر کی تردید کی کہ نیب کسی بھی مجرم کو رشوت لے کر چھوڑ دیتاہے۔

ترجمان نے بتایا کہ نیب نے محکمہ لوکل گورنمنٹ، ورکس اینڈ سروسز ، آبپاشی اور محکمہ خوراک سمیت مختلف محکموں کے خلاف چوالیس مقدمات بنائے جن میں چار کروڑ سترہ لاکھ روپے سے زائدکی ریکوری ہوئی اور یہ رقم متعلقہ محکمے کو دیدی گئی ہے۔

Comments

comments

یہ بھی پڑھیں