The news is by your side.

Advertisement

پاکستان کی خود مختاری کااحترام کیا جائے، چین کا ڈرون حملوں‌ پر اظہار مذمت

بیجنگ:چین نے پاکستانی صوبے بلوچستان میں امریکی ڈرون حملے کی شدید مذمت کرتے ہوئے کہا ہے کہ دہشت گردی کے خلاف پاکستان کی بے پناہ کوششیں ہیں،عالمی برادری کو پاکستان کی کوششوں کا اعتراف کرنا چاہیے۔

چینی وزارت خارجہ نے امریکی ڈرون حملوں کی پالیسی پر تنقید کرتے ہوئے بیان دیا ہے کہ دہشت گردی کے خلاف جنگ میں پاکستان نے ہمیشہ کردار ادا کیا، عالمی برادری پاکستان پر تنقید کرنے کے بجائے دہشت گردی کے خلاف پاکستان کی کوششوں کو سراہے اور پاکستان کی علاقائی سالمیت اور خود مختاری کا احترام کرے، عالمی برادری کا چاہیے کہ وہ پاکستان کے ساتھ کھڑی ہو۔

 چینی وزارت خارجہ نے کہا ہے کہ پاکستان نے افغان مفاہتمی عمل کی نہ صرف حمایت کی بلکہ ہمیشہ بڑھ چڑھ کر اپنا کردار ادا کیا، چار رکنی افغان مصالحتی کمیٹی مفاہمتی عمل جاری رکھنے کے لیے بنائی گئی تھی جس میں پاکستان کا کردار موثر رہا ہے  دیگر فریقین کو بھی افغان مفاہمتی عمل میں اپنا کردار ادا کرنا چاہییے۔

یاد رہے کہ چار رکنی مصالحتی کمیٹی میں چین، امریکا،پاکستان اور افغانستان شامل ہیں۔

Print Friendly, PDF & Email

Comments

comments

یہ بھی پڑھیں