سی پیک منصوبے اور اس پر چین کی رائے سے متعلق احسن اقبال کا دعویٰ غلط نکلا چینی قونصل جنرل نے پی ٹی آئی دور میں سی پیک منصوبے پر پیش رفت کو اطمینان بخش قرار دے چکے۔
اے آر وائی نیوز کے مطابق وفاقی وزیر منصوبہ بندی وترقی احسن اقبال نے گزشتہ روز ایک نجی ٹی وی کے پروگرام میں الزام عائد کیا تھا کہ پی ٹی آئی کے دور حکومت میں جان بوجھ کر سی پیک کو نقصان پہنچایا گیا۔ انہوں نے یہ دعویٰ بھی کیا تھا کہ چین نے گزشتہ اسٹیبلشمنٹ کو کہنے کی کوشش کی تھی کہ پی ٹی آئی کو اقتدار میں لانے کا تجربہ نہ کیا جائے کیونکہ اس سے سی پیک اور پاکستان کو نقصان ہوگا۔
تاہم چینی قونصل جنرل کا بیان ان کے اس دعوے کی یکسر نفی کرتا ہے۔
گزشتہ سال اے آر وائی نیوز کو خصوصی انٹرویو دیتے ہوئے لاہور میں چینی قونصل جنرل ژاؤ شیرین نے پی ٹی آئی دور میں سی پیک منصوبے پر پیش رفت کو اطمینان بخش قرار دے چکے ہیں۔
’چین نے کہنے کی کوشش کی تھی کہ پی ٹی آئی کو اقتدار میں نہ لایا جائے‘
ژاؤ شیرین نے اپنے انٹرویو میں کہا تھا کہ کورونا کے باوجود سی پیک درست سمت میں چل رہا ہے، اس کی رفتاراطمینان بخش ہے، پاکستان میں کوئی بھی سیاسی جماعت ہو چین کی پالیسی ایک جیسی رہتی ہے، سی پیک ٹھیک نہ چلنے کا بعض عناصر کا تاثر درست نہیں۔
