بیجنگ: چین نے 3 سال کی پابندی کے بعد غیر ملکی مسافروں کے لیے فضائی، اور بحری سرحدیں کھول دی ہے اس کے علاوہ قرنطینہ کو بھی ختم کردیا ہے۔
غیر ملکی میڈیا کے مطابق دوسرے ممالک سے آنے والے مسافروں کو چین میں مزید قرنطینہ نہیں کیا جائے گا۔
رپورٹ کے مطابق مسافروں کو اب بھی سفر سے 48 گھنٹے قبل کوویڈ ٹیسٹ کی منفی رپورٹ کی ضرورت ہوگی۔
چینی سرحدیں تاحال غیرملکی سیاحوں کے لیے بند ہیں، مگر غیرملکی افراد کاروباری مقاصد کے لیے وہاں آسکتے ہیں۔
بیرون ملک جانے والے چینی شہریوں کی تعداد میں اضافے کے امکان کو دیکھتے ہوئے متعدد ممالک نے وہاں سے آنے والے مسافروں کے لیے کووڈ ٹیسٹ لازمی قرار دیا ہے۔
بیجنگ نے گزشتہ ماہ کوویڈ پابندیوں کیخلاف غیرمعمولی مظاہروں کے بعد لازمی قرنطینہ، سخت لاک ڈاؤن کو ختم کرنا شروع کیا تھا لیکن ان پابندیوں میں نرمی کی وجہ سے ملک میں پہلی بار 1.4 بلین آبادی کورونا سے متاثر ہوگئی جس سے وائرس کے پھیلاؤ کی ایک نئی لہر شروع ہوگئی ہے۔
واضح رہے کہ چین میں کورونا وائرس کی روک تھام کے لیے مارچ 2020 میں سفری پابندیاں عائد کی گئی تھیں۔
یہ بھی خیال رہے کہ چین میں کورونا متاثرہ لوگوں کی تعداد میں پھر اضافہ ہورہا ہے جبکہ یہ بھی کہا جارہا ہے کہ چینی حکومت متاثرہ لوگوں کی درس ت رپورٹ شائع نہیں کررہا ہے
