پاکستانی ڈاکٹر چینی ٹیم کے اہم رکن بن گئے china pakistan friendship
The news is by your side.

Advertisement

پاکستانی ڈاکٹر چینی ٹیم کے اہم رکن بن گئے

اسلام آباد: پاکستانی ڈاکٹر چینی ٹیم کے کے اہم رکن بن گئے، ڈاکٹر رحمت علی چینی ورکرز کو میڈیکل کی سہولیات فراہم کرتے ہیں۔

تفصیلات کے مطابق قراقرم کے پہاڑوں میں پاک چین دوستی کی گونج ہے، پاکستانی ڈاکٹر رحمت علی کی چینی ٹیم سے دوستی کے چرچے ہورہے ہیں، ڈاکٹر رحمت علی نے کئی بار اپنی زندگی کو خطرے میں ڈال کر فیلڈ کا تحفظ یقینی بنایا ہے۔

ڈاکٹر رحمت علی شاہراہ قراقرم کی تعمیرنو کرنے والی چینی کمپنی کی ٹیم کا حصہ ہیں، چینی اور پاکستانی ورکرز کو طبی امداد فراہم کرنا ڈاکٹر علی کا کام ہے، وہ پرامید ہیں کہ سی پیک منصوبہ پاکستان کی معاشی ترقی میں معاون ثابت ہوگا۔

مزید پڑھیں: سی پیک پاکستان کی صنعتی ترقی کا باعث بنے گا، چینی اخبار

واضح رہے کہ بین الاقوامی جریدے چائنا ڈیلی کا کہنا تھا کہ پاک چین اقتصادی راہداری کے تحت بننے والے اسپیشل اکنامک زونز ملک میں صنعتی ترقی کا باعث بنیں گے۔

چینی اخبار کے مطابق سی پیک کے تحت بننے والے اکنامک زونز پر پاکستان انحصار کرسکتا ہے، پاک چین اقتصادی راہداری منصوبہ پاکستان کی صنعتی ترقی کا باعث بنے گا، پاکستان کو اس شعبے میں چینی مہارت سے فائدہ اُٹھانا چاہئے۔

چینی اخبار کی رپورٹ کے مطابق ان اسپیشل زونز سے بے روزگاری کے خاتمے میں مدد ملے گی تاہم پاکستان کو بھی بنیادی سہولیات کی فراہمی اور امن و امان کی صورتحال کی بہتری کو یقینی بنانے کے لیے اقدامات کرنا ہوں گے۔

Comments

comments

یہ بھی پڑھیں