The news is by your side.

Advertisement

چین میں پلاسٹک سرجری کروانے والوں کی تعداد میں بے پناہ اضافہ

چین: خوب صورت نظر آنے کے لیے کاسمیٹک سرجری کا رجحان دنیا بھر میں بڑھتا جا رہا ہے، چین میں بھی پلاسٹک سرجری کروانے والوں کی تعداد میں بے پناہ اضافہ دیکھا گیا۔

تفصیلات کے مطابق چین میں کاسمیٹک سرجری کروانے والوں کی تعداد بڑھ رہی ہے، امریکا کے بعد چین دنیا کا دوسرا بڑا سرجری کرنے والا ملک بن گیا ہے، چین میں کاسمیٹک سرجری کروانے والوں کی فہرست میں سب سے زیادہ تعداد نوجوان خواتین کی ہے۔

اس حوالے سے چین میں سوشل میڈیا ایپ گینگمی(جس کا مطلب ہے زیادہ خوب صورت) پر لوگ اپنے اسٹیٹس لگاتے ہیں، اسے سال 2013 میں لانچ کیا گیا تھا،اس ایپ کے صارفین اب 1 ملین سے بڑھ کر 36 ملین ہو چکے ہیں، جب کہ اس کے نصف سے زیادہ صارفین نوجوان خواتین ہیں، یہ ایپ دراصل کاسمیٹک سرجری نیٹ ورک کے متعلق ہے۔

2018 میں کاسمیٹک سرجری پلیٹ فارم سوینگ پر صارفین کی تعداد 1.4 ملین سے بڑھ کر 8.4 ملین تک ہو گئی تھی، ایک رپورٹ کے مطابق چین میں کاسمیٹک مارکیٹ کی قیمت 4 سال میں تقریباً 177 ارب یوآن تک پہنچ گئی ہے۔

اداکارہ کو ناک کی سرجری کروانا مہنگا پڑ گیا

چین میں 2019 کے ریکارڈ کے مطابق 60 ہزار سے زیادہ لائسنس یافتہ پلاسٹک سرجری کے کلینک ہیں، سرجری میں سب سے بہتر سرجن ان کو سمجھا جاتا ہے جو ڈبل پلکیں اور وی سائز کے جبڑوں کی لکیریں تیار کرتے ہیں۔

واضح رہے کہ کاسمیٹک سرجری میں بہت سی خرابیاں بھی پائی جاتی ہیں، اور اس سلسلے میں تصاویر بھی اکثر سوشل میڈیا پر شیئرکی جاتی ہیں، اداکارہ گاؤ لیو نے کاسمیٹک طریقہ کار کی آن لائن تصویر شیئر کی، جس میں کاسمیٹک سرجری کے بعد ناک کی اصل شکل خراب ہو گئی تھی۔

Comments

یہ بھی پڑھیں