بیجنگ: چین نے مبینہ جاسوس غبارے کو مار گرانے پر امریکا کے خلاف رد عمل دیتے ہوئے کہا ہے کہ یہ بین الاقوامی طریقہ کار کی خلاف ورزی ہے۔
تفصیلات کے مطابق چین نے مبینہ جاسوس غبارے کو مار گرانے پر ناراضگی کا اظہار کر دیا ہے، چین کی وزارت خارجہ نے اتوار کو جاری بیان میں کہا کہ امریکا نے ایک ’سویلین ایئرشپ‘ کے خلاف طاقت کا مظاہرہ کیا ہے۔
نیویارک ٹائمز کے مطابق امریکا نے ہفتے کے روز ریاست کیرولائنا کے ساحل کے قریب چینی مبینہ جاسوس غبارے کو میزائل سے مار گرایا، اور اس طرح اُس ڈرامے کا دھماکا خیز انجام ہوا، جس نے دنیا کی دو بڑی طاقتوں کے درمیان سفارتی بحران پیدا کر دیا تھا۔
#Video — Another angle… The US military has shot down a #Chinese spy #balloon after it drifted off the East Coast near the #Carolinas. #USA #China #ChineseSpyBalloon
— Said Pulido (@Super_Said) February 4, 2023
صدر بائیڈن نے امریکی فوج کو غبارے کو مار گرانے کا حکم دیا تھا، یہ غبارہ تقریباً ایک ہفتے تک پورے امریکا میں گھومتا رہا تھا۔
🔴U.S, SOUTH CAROLINA : SPY BALLOON SHOT DOWN!#VIDEO MOMENT WHEN "CHINESE SPY BALLOON” BEING SHOT DOWN
with a missile by a USAF jet over Myrtle Beach,Atlantic ocean#BreakingNews #UltimaHora #SouthCarolina #SpyBalloon #Balloon #Globo #Ballon pic.twitter.com/RaecyEjVda— loveworld (@LoveWorld_Peopl) February 4, 2023
چینی وزارت خارجہ نے امریکی اقدام پر ’سخت عدم اطمینان اور احتجاج‘ کا اعلان کیا ہے، چین نے کہا کہ وہ اپنے جائز حقوق اور اداروں کے مفادات کا دفاع کرے گا اور ضرروری ردعمل دینے کا حق رکھتا ہے۔
China Spy Balloon shot down 2/4/2023 pic.twitter.com/eGq2QgVWAA
— Scheelite (@scheelite22) February 5, 2023
وزارت خارجہ نے یہ بھی کہا کہ چین نے امریکا سے درخواست کی تھی کہ اس تمام معاملے سے تحمل اور پیشہ ورانہ انداز میں نمٹے، لیکن امریکا نے طاقت کے استعمال پر اصرار کیا۔
امریکی طیارے نے چین کے غبارے کو مار گرایا
امریکی میڈیا کے مطابق مشتبہ جاسوس غبارہ تقریباً 60 ہزار فٹ کی بلندی پر اڑ رہا تھا اور اس کا سائز تین اسکول بسوں کے برابر تھا، ہفتے کی صبح یہ غبارہ کیرولائنا کی حدود میں دیکھا گیا جہاں سے یہ بحر اوقیانوس پہنچا تھا۔
