چین میں برڈ فلو سے پہلے انسان کی ہلاکت رپورٹ ہوئی ہے۔
ورلڈ ہیلتھ آرگنائزیشن (ڈبلیو ایچ او) کے مطابق جنوبی چین میں ایک 56 سالہ خاتون H3N8 ایویئن انفلوئنزا کے مثبت ٹیسٹ کے بعد انتقال کر گئی ہے جو کہ برڈ فلو کے اس تناؤ سے پہلی انسانی موت ہے۔
H3N8 پرندوں میں فلو کی "اکثر پائی جانے والی” ذیلی قسموں میں سے ایک ہے لیکن چین میں پچھلے سال اپریل اور مئی میں دو کیسز سامنے آنے سے پہلے انسانوں میں اس کے پھیلنے کا پتہ نہیں چل سکا تھا۔
ڈبلیو ایچ او نے کہا کہ خاتون جو کینسر سمیت پہلے سے موجود طبی کنڈینشز میں مبتلا تھی اور فروری میں بیمار ہونے کے بعد شدید نمونیا کی شکایت کے ساتھ اسپتال میں داخل کی گئی تھی جہاں وہ زیرعلاج رہنے کے بعد مارچ میں چل بسی۔
اس کیس کا پتہ شدید ایکیوٹ ریسپائریٹری انفیکشن (SARI) سرویلنس سسٹم کے ذریعے پایا گیا تھا۔ ڈبلیو ایچ او نے بیان میں کہا کہ رپورٹنگ کے وقت کیس کے کسی قریبی رابطوں میں انفیکشن یا بیماری کی علامات پیدا نہیں ہوئیں۔
چین میں H3N8 کا شکار ہونے والے تینوں افراد کے بارے میں خیال کیا جاتا ہے کہ وہ زندہ پولٹری منڈیوں میں وائرس سے متاثر ہوئے تھے۔
