بیجنگ: چین میں شہری حکومت نے عوام سے بلا ضرورت گھروں سے باہر نہ نکلنے کی اپیل کر دی ہے۔
تفصیلات کے مطابق چین میں کرونا وائرس کا پھیلاؤ پھر سے تیز ہو گیا ہے، دو روز میں 28 ہزارسے زائد کووِڈ کیسز سامنے آ گئے ہیں۔
حکومت نے دارالحکومت بیجنگ میں اسکولوں، پارکوں اور میوزیمز سب بند کر دیے ہیں، شنگھائی آنے والوں کی سخت چیکنگ کی جا رہی ہے۔
چینی حکام کے مطابق دو روز میں اٹھائیس ہزار افراد کو مہلک وائرس نے متاثر کیا، جو اپریل کے بعد رپورٹ ہونے والے کیسز کی سب سے بڑی تعداد ہے۔
ان میں سے نصف سے زیادہ کیسز گوانگ ژو اور چونگ کنگ میں رپورٹ ہوئے ہیں، جب کہ دارالحکومت بیجنگ میں یومیہ کیسز کی تعداد بلند ترین سطح پر پہنچ گئی ہے۔
چین میں چوبیس گھنٹوں میں 27 ہزار سے زیادہ کرونا کیسز کی تصدیق
گزشتہ چوبیس گھنٹوں کے دوران 14 سو سے زائد افراد میں مہلک وائرس کی تصدیق ہوئی، جس پر شہری حکومت نے عوام سے بلاضرورت گھروں سے باہر نہ نکلنے کی اپیل کی ہے۔
