اسلام آباد: چین تھرکول منصوبے میں ایک ارب بیس کروڑ ڈالر کی سرمایہ کاری کرئے گا، اس کے علاوہ کوئلے سے چلنے والا چھ سو ساٹھ میگاواٹ کا پاور پلانٹ بھی لگایا جائے گا.
اس منصوبے کی حتمی دستاویزات پر اکیس دسمبر کو دستخط کئے جائیں گے، اس منصوبے کے تحت چین سالانہ اڑتیس لاکھ ٹن کوئلہ نکالے گا، اس پروگرام کی منظوری چینی حکومت دے دی ہے۔
اس منصوبے پر مجموعی طور پر ایک ارب نوے کروڑ ڈالر لاگت آئے گی، جس میں سے ایک ارب بیس کروڑ ڈالر چین ادا کرے گا۔
یہ پروگرام کا پاک چین اقتصادی راہداری کا حصہ ہے، اس پروگرام میں پاکستانی اور چینی بینکس بھی مل کرسرمایہ کاری کریں گے۔ چینی بینکوں سے لیا گیا قرضہ تین اعشاریہ تین فیصد شرح سود پر لیا جائے گا۔
