راولپنڈی : چین میں پاکستان کیلئےتیارہونیوالی پہلی ہنگورکلاس آبدوزکی لانچنگ تقریب منعقد ہوئی، یہ پروجیکٹ پاک چین دوستی میں ایک نئی جہت کااضافہ کرے گا۔
مسلح افواج کے شعبۂ تعلقاتِ عامہ (آئی ایس پی آر) کی جانب سے بیان میں کہا گیا ہے کہ چین میں پاکستان کیلئےتیارہونیوالی پہلی ہنگورکلاس آبدوزکی لانچنگ تقریب کا انعقاد کیا گیا۔
آئی ایس پی آر نے بتایا کہ تقریب چین کے ووچانگ شپ بلڈنگ انڈسٹری گروپ کمپنی لمیٹڈشوانگلیوبیس میں ہوئی ، چیف آف دی نیول اسٹاف ایڈمرل نویداشرف تقریب کےمہمان خصوصی تھے۔
یہ پروجیکٹ پاک چین دوستی میں ایک نئی جہت کااضافہ کرےگا، حکومت پاکستان نےچینی صدرکےدورہ پاکستان میں معاہدےپردستخط کیےتھے، پاکستان نے8ہنگورکلاس آبدوزوں کےحصول کےمعاہدےپردستخط کیےتھے۔
معاہدے کے تحت 4 آبدوزیں چین میں تیارکی جائیں گی، دیگر4 آبدوزیں کراچی شپ یارڈاینڈ انجینئرنگ ورکس میں تیارہوں گی ، یہ آبدوزیں جدیدترین ہتھیاروں اورسینسرز سے لیس ہوں گی، آبدوزوں سے دور تک اہداف کونشانہ بنایا جاسکے گا۔
