بیجنگ : چین کے خلائی تحقیقاتی ادارے جیکوآن (Jiuquan ) نے اپنے دو خلاباز خلائی مشن کی تکمیل کے لیے مدار میں روانہ کردیے ہیں جو ایک ماہ تک خلائی اسٹیشن میں قیام کر کے تحقیقاتی اور تجرباتی سرگرمیاں انجام دیں گے
تفصیلات کے مطابق مذکورہ خلائی مشن آج صبح روانہ ہوا ہے جس کو Shenzhou 11 کا نام دیا گیا ہے جو دو تجربہ کار خلاء بازوں پر مشتمل ہے جو 30 دن تک خلاء میں قیام کریں گے اور اپنی تحقیقاتی اور تجرباتی سرگرمیاں جاری رکھیں گے،اُن کا قیام میں خلاء میں قائم ٹیانگونگ نامی خلائی اسٹیشن میں ہوگا۔
واضح رہے کہ یہ چینی خلابازوں کے لیے سب سے زیادہ مدت تک خلا میں رہنے کے منصوبے کا حصہ ہے جس میں خلاء باز 49 سالہ جنگ ہیپنگ اور 37 سالہ چینگ ڈونگ حصہ لے رہے ہیں۔
خیال کیا ظاہر کیا جا رہا ہے کہ چین کی جانب سے مسلسل خلاء بازمشن بھیجنے سے لگتا ہے کہ مستقبل میں ممکنہ طور پر چاند اور مریخ پر اپنا انسانی مشن روانہ کرے گا۔
مشن کی روانگی سے قبل اپنے تہنیتی پیغام میں چین کے صدر شی جنپنگ نے امید ظاہر کی کہ خلائی مشن چین کو خلائی قوت بنانے میں مدد گار ثابت ہو گا اور چیں کو خلا کی بازیافت میں وسیع تر اور مزید اقدام کی صلاحیت پیدا ہوگی۔
