بیجنگ: چین میں لائیو پرفارمنس کے دوران جمناسٹک بلندی سے گر کر ہلاک ہوگئی جس کی ویڈیو منظرعام پر آگئی ہے۔
غیرملکی خبررساں ادارے کی رپورٹ کے مطابق چین میں لائیو پرفارمنس کے دوران خاتون جمناسٹ ’سن‘ کے شوہر پیروں سے پکڑنے میں ناکام ہوگئے جس کے نتیجے میں وہ تیس بلندی سے گر کر ہلاک ہوگئیں۔
دو بچوں کی والدہ خاتون جمناسٹ کو حادثے کے فوری بعد اسپتال منتقل کیا گیا تاہم وہ جانبر نہ ہوسکیں۔
اس واقعے کی ویڈیو بھی سوشل میڈیا پر وائرل ہوگئی ہے جس میں دیکھا جاسکتا ہے کہ خاتون اور ان کے شوہر بغیر کسی حفاظتی سامان کے اسٹنٹ کرنے میں مصروف تھے جبکہ انہیں دیکھنے والے حیران اور خوش ہو رہے تھے۔
ویڈیو میں دیکھا جاسکتا ہے کہ جیسے ہی خاتون اونچائی سے گرتی ہے تو لوگوں کی چیخیں نکل جاتی ہیں۔
A lot of discussions on Chinese socials today about the fatal accident that happened last night in Suzhou during a live acrobatic show. The female performer did not wear safety lines and she fell. She was rushed to hospital but passed away. (video end cut due to shocking content) pic.twitter.com/l5DCf0ilN1
— Manya Koetse (@manyapan) April 16, 2023
اس واقعے کی ویڈیو سامنے آنے کے بعد انٹرنیٹ پر صارفین نے ان دونوں افراد کی ماضی کی ویڈیوز بھی شیئر کیں جس میں دیکھا گیا کہ وہ بغیر حفاظتی اقدامات کے خطرناک اسٹنٹ کرچکے ہیں۔
خاتون کے شوہر ژانگ نے بیوی کے ساتھ لڑائی کی خبروں کی تردید کرتے ہوئے کہا ہے یکہ ہم ہمیشہ ایک ساتھ خوش تھے ہمارے درمیان کوئی لڑائی نہیں ہوئی۔
حکام کا کہنا ہے کہ واقعے کی تحقیقات جاری ہیں۔