The news is by your side.

Advertisement

لداخ کا محاذ، چینی فوجیوں نے بھارتی فوجیوں کو ایک بار پھر دھول چٹادی

لداخ : چینی فوجیوں نے لداخ کے محاذ پر بھارتی فوجیوں کو ایک بار پھر دھول چٹادی ، بھارتی فوجیوں کی ایسی دھلائی کی کہ وہ گرتے پڑتے بھاگنے پر مجبور ہوگئے۔

تفصیلات کے مطابق چین اور بھارت کے درمیان سرحد کشیدگی دن بہ دن بڑھتی جارہی ہے، دونوں ممالک کی افواج کے درمیان مشرقی لداخ پر ایک اور تصادم ہوا جس میں چینی فورسز نے بھارتی فوجیوں کی خوب دھلائی کی۔

مشرقی لداخ میں نئے تصادم میں چین کی پیپلزلبریشن آرمی بھارتی فوجیوں پر ٹوٹ پڑی، بھارتی فوجی ڈندے لیکر آئے لیکن پھر بھی چینی افواج سے بچ نہ پائے۔

چینی فورسز نے بھارتی فوجیوں کی دھلائی کی اور ٹھنڈے پانی میں دھکیل دیا اور بھارتی فوجی گرتے پڑتے بھاگنے پرمجبورہوگئے۔

چینی فوجیوں کے ہاتھوں پسپائی کے بعد بھارتی ٹوئٹر صارفین مودی سرکار برس پڑے اور کہا مودی سرکار کب تک جھوٹ بولے گی۔۔ بھارتی فوجی ایسے ہی کرتے رہے تو چین کنیا کماری تک پہنچ جائے گا۔

خیال رہے چین اور بھارت کے درمیان سرحد پر مشرقی لداخ میں کشیدگی اکتیس اگست سے جاری ہے۔

یاد رہے بھارتی وزیر خارجہ جے شنکر نے سرحد پر صورتحال کو انتہائی سنگین قرار دیتے ہوئے کہا تھا کہ لائن آف ایکچوئل کنٹرول پر صورتحال انتہائی سنگین ہے، دونوں ممالک کو سیاسی سطح پر مذاکرات کی ضرورت ہے۔

بھارت نے سرحد پر حالیہ کشیدگی کا الزام چین پر دھر دیا اور کہا کہ سرحد پر چینی فوج کی جانب سے پہلے فائرنگ کی گئی۔

دوسری جانب چین نے لائن آف ایکچوئل کنٹرول (ایل اے سی) پر بھارتی فوجیوں کی فائرنگ کو سنگین فوجی اشتعال انگیزی قرار دیتے ہوئے خبردار کیا ہے کہ بھارت اپنے فرنٹ لائن فوجیوں کو قابو کرے، لائن آف ایکچوئل کنٹرول پار کرنے والے فوجیوں کو فوری واپس بلائے۔

Comments

یہ بھی پڑھیں