کراچی میں چینی قونصل خانے میں پاکستان میں صحافت کے شعبے میں نمایاں کارکردگی انجام دینے والے صحافیوں کو ایوارڈ دینے کی تقریب ہوئی.
تفصیلات کے مطابق تقریب کے دوران نمایاں کارکردگی دکھانے اور بہترین اسٹوریز پر اے آر وائی نیوز کراچی کے نمائندے محمد صلاح الدین کو بھی ایوارڈ سے نوازا گیا۔
چینی قونصل جنرل یانگ یون ڈونگ نے تقریب سے خطاب کرتے ہوئے کہا کہ پاکستان میں صحافی شعبہ صحافت میں اہم کردار ادا کررہے ہیں
انھوں نے کہا کہ پاکستان اور چین کے تعلقات کے حوالے سے مثبت کوریج اہم ہے۔ پاکستانی صحافی جاں فشانی سے کام کر رہے ہیں ان کی خدمات کو سراہتے ہیں۔
چینی قونصل جنرل نے کہا کہ چین پاکستان کے گہرے دوستانہ تعلقات ہیں۔ آج کی دنیا میں ملکوں کے تعلقات میں میڈیا کا اہم کردار ہے۔
دوست ملک کے قونصل خانے کی جانب سے سجائی گئی تقریب میں کراچی میں مختلف میڈیا اداروں سے تعلق رکھنے والے صحافیوں کو انکی خدمات کے اعتراف مینں ایوارڈز دیے گئے۔
اے آر وائی نیوز کے نمائندے محمد صلاح الدین کو بھی ڈپلومیٹک ریلیشن پر مثبت کوریج کے باعث ایوارڈ سے نوازا گیا۔ واضح رہے کہ سینئر رپورٹر محمد صلاح الدین کو جرمن قونصل خانہ نے بھی ایوارڈ سے نوازا۔
