چین میں ایک انجینیئر نے بیوی کی تلاش میں ناکام ہونے کے بعد ایک روبوٹ سے شادی رچا لی۔
چین کے زی جنگ صوبے سے تعلق رکھنے والا یہ انجینئر زینگ جیا جیا مصنوعی ذہانت پر کام کرتا ہے اور روبوٹس بناتا ہے۔ اس بار اس نے ایک نسوانی روبوٹ بنایا اور کچھ عرصے بعد اس سے شادی کرلی۔
یہ روبوٹ چینی حرف تہجی اور تصاویر کی شناخت کر سکتا ہے اور چند الفاظ بھی بول سکتا ہے۔
زینگ کے دوستوں اور اہل خانہ کا کہنا ہے کہ وہ طویل عرصے سے کسی گرل فرینڈ یا بیوی کی تلاش میں سرگرداں تھا اور اس تلاش میں ناکامی اب اسے فرسٹریشن کا شکار بنا رہی تھی۔
تاہم اب ایک سادہ سی تقریب میں زینگ نے اس تلاش کو ختم کیا اور اپنے بنائے ہوئے روبوٹ سے شادی کرلی جس میں اس کے دوستوں اور اہل خانہ نے بخوشی شرکت کی۔
زینگ کا کہنا ہے کہ وہ اس روبوٹ پر مزید کام جاری رکھے گا جس کے بعد اس کی یہ روبوٹک بیوی چل پھر سکے گی اور گھر کے کاموں میں اس کا ہاتھ بھی بٹا سکے گی۔