چینی وزیرخارجہ چن گینگ گوا سے پاکستان پہنچ گئے۔ چینی وزیرخارجہ کل پاک چین اسٹرٹیجک مذاکرات میں شرکت کریں گے۔
چوتھے مذاکراتی دور کی صدارت بلاول بھٹو اور چینی وزیرخارجہ کریں گے۔ چینی وزیرخارجہ اور عبوری افغان وزیرخارجہ سہ فر یقی اجلاس میں بھی شرکت کریں گے۔ اسٹرٹیجک مذاکرات کا تیسرا دور جولائی 2021میں چین کے شہر چینگڈو میں ہوا تھا۔
ذرائع کے مطابق پاکستان اور چین کےدرمیان اسٹریٹجک کوآپریٹو شراکت داری کی توثیق ہو گی۔ اس کے علاوہ
کثیرالجہتی تعاون کےلیےروڈ میپ ، علاقائی اورعالمی منظرنامےپرتبادلہ خیال ہوگا۔
قبل ازیں وزیر خارجہ بلاول بھٹو سےچین کے وزیرخارجہ چن گینگ کی گوا میں ملاقات ہوئی جس میں پاکستان اور چین کےوزرائے خارجہ نےباہمی تعاون پربات چیت کی گئی۔
وزرائے خارجہ نے اقتصادی تعاون اور علاقائی رابطہ بڑھانے پر زور دیا۔ وزیرخارجہ نے کہا کہ چینی وزیرخارجہ سے ملکربےحد خوشی ہوئی پاکستان اور چین بھائی ہیں، پاکستان اورچین علاقائی امن ،خوشحالی کےلیے ملکر کام کرتے رہیں گے اسلام آبادمیں چینی وزیر خارجہ کےاستقبال کےمنتظر ہیںْ