جنگی جنون میں مبتلا بھارت نے دنیا بھر میں اپنا مذاق بنوالیا، چینی فنکاروں نے پاکستان کی جانب سے رافیل طیارہ گرانے پر بھارت کو ان ہی کے انداز میں روسٹ کردیا۔ہے۔
چینی فنکاروں نے پاکستان کی جانب سے رافیل طیارہ گرانے پر گانا بنایا ہے جو سوشل میڈیا پر خوب وائرل ہورہی ہے، ویڈیو میں چار فنکاروں کو بھارتی انداز میں دیکھا جا سکتا ہے۔
میڈیا رپورٹس کے مطابق اگرچہ گانے کو چینی زبان میں جاری کیا گیا، تاہم فنکاروں کی فنکاری کی وجہ سے گانے کے بول کو آسانی سے سمجھا جاسکتا ہے۔
ویڈیو میں بھارتیوں کا مذاق بناتے ہوئے کہا فنکاروں نے کہا کہ ہم (بھارت) نے مر مر کے پیسے جمع کرکے چند رافیل طیارے خریدے تھے اور پاکستان نے وہ بھی گرادیے۔
چینی فنکار اپنی زبان میں کہتے ہیں کہ اب دوبارہ خریدنے جائیں گے تو وہ ہمیں بیچیں گے بھی نہیں، پاکستان نے طیارے گرا کر اربوں روپے کا نقصان دے ڈالا۔
刚买的飞机，刚买的飞机，被打啦
pic.twitter.com/zUduqtizxd— 西關小姐姐 (@LM62710) May 8, 2025
چینی فنکاروں کی یہ ویڈیو نہ صرف چین بلکہ پاکستان اور بھارت سمیت دیگر ممالک میں بھی تیزی سے وائرل ہورہی ہے جس سے بھارت کا خوب مذاق بنایا جارہا ہے۔
واضح رہے کہ جنگی جنون میں مبتلا بھارت نے 6 اور 7 مئی کی درمیانی شب پاکستان کے 6 مختلف مقامات پر حملے کیے تھے، جوابی کارروائی میں پاکستان نے انڈیا کے فرانسیسی ساختہ جنگی جہاز رافیل مار گرائے تھے۔
پاکستان کی جانب سے رافیل طیارے بھارتی فضائی حدود میں ہی گرائے گئے تھے، جس کے بعد فرانسیسی ساختہ جنگی جہازوں کے شیئرز بھی گر گئے تھے۔
یہ بھی خیال رہے کہ پاکستان نے چینی ٹیکنالوجی کی مدد سے فرانسیسی ساختہ بھارت کے جنگی جہاز گرائے، پاکستان کے پاس زیادہ تر چینی ساختہ جنگی جہاز اور دفاعی سسٹم ہے جو کہ جدید ٹیکنالوجی سے لیس ہے۔
