The news is by your side.

Advertisement

لائٹ جانے کے بعد طالبہ نے پڑھائی کے لیے کیا طریقہ اپنایا؟

علم حاصل کرنے کے شوقین طلبا اپنی پڑھائی کے لیے بے حد جتن کرتے ہیں، ایسی ہی ایک طالبہ کی تصویر سوشل میڈیا پر بے حد وائرل ہو رہی ہے جس نے اپنی پڑھائی جاری رکھنے کے لیے انوکھا طریقہ اپنایا۔

چینی سوشل میڈیا سائٹ ویبو میں ایک ویڈیو وائرل ہوئی ہے جس میں ایک طالبہ ممکنہ طور پر یونیورسٹی نوٹس کے ڈھیر کے سامنے بیٹھی ہے اور ایک بڑی لائٹ اس کے بالوں میں پھنسی روشن ہے۔

چینی میڈیا کے مطابق یہ ویڈیو ویبو پر 12 نومبر کو شمالی صوبے ہبئی کی ایک یونیورسٹی سے پوسٹ کی گئی تھی۔ اس طالبہ کی یہ ویڈیو اس کے ساتھیوں نے بنائی تھی جو رات گئے پڑھائی کر رہے تھے جب لائٹ بند ہوگئی۔

اس طالبہ نے اپنے ایک دوست سے فلورسینٹ لائٹ لی اور اسے بالوں میں پھنسا کر آن کیا تاکہ اپنی پڑھائی کا سلسلہ جاری رکھ سکے۔

رپورٹ کے مطابق یہ طالبہ چین کے سالانہ یونیفائیڈ گریجویٹ انٹرنس امتحان کی تیاری کررہی تھی، یہ چین میں ماسٹر پروگرام میں داخلے کا امتحان ہوتا ہے۔

یہ ویڈیو ویبو پر وائرل ہو کر بحث کا موضوع بن گئی جبکہ اسے 14 نومبر تک 29 کروڑ بار دیکھا جاچکا تھا۔ اس ویڈیو پر ہزاروں تھریڈز بنی جہاں لوگوں نے اس پر اپنی رائے کا اظہار کیا۔

Comments

یہ بھی پڑھیں