The news is by your side.

Advertisement

‘ پاکستان میں چینی ویکسین کی تیاری کا پلانٹ لگایا جا رہا ہے’

اسلام آباد:سیکریٹری خارجہ سہیل محمود کا کہنا ہے کہ پاکستان میں چینی ویکسین کی تیاری کا پلانٹ لگایا جارہا ہے،کورونا کے دوران چین نے فراغ دلی سے پاکستان کی امداد کی۔

تفصیلات کے مطابق سیکریٹری خارجہ سہیل محمود نے اسلام آباد میں تقریب سے خطاب کرتے ہوئے کہ چین نے پاکستان کی ہرموقع پرحمایت کی، چین جموں وکشمیرپرپاکستان کی بھرپورحمایت کرتاہے۔

سی پیک کے حوالے سے سہیل محمود کا کہنا تھا کہ سی پیک کاپہلامرحلہ کامیابی سےمکمل ہوا، اب سی پیک کا دوسرامرحلہ کامیابی سے جاری ہے، سی پیک پاک چین تعلقات کومزید مستحکم بنارہا ہے۔

سیکریٹری خارجہ نے کہا کہ کوروناکےدوران چین نے فراغ دلی سے پاکستان کی امداد کی، چین کی ویکسین انسانی جانیں بچانے میں اہم کرداراداکررہی ہے، پاکستان میں چینی ویکسین کی تیاری کا پلانٹ لگایا جارہا ہے۔

ان کا مزید کہنا تھا کہ 30 ہزارسے زائد پاکستانی طلبا چین میں زیرتعلیم ہیں جبکہ 14 چینی و پاکستانی شہروں کو جڑواں شہرقرار دیا گیا ہے۔

Comments

یہ بھی پڑھیں