چنیوٹ: پنجاب کے شہر چنیوٹ میں ڈمپرز کے داخلے پر پابندی کے ثمرات سامنے آ گئے۔
تفصیلات کے مطابق چنیوٹ میں ضلعی انتظامیہ نے لاہور روڈ پر ڈمپرز کے داخلے پر پابندی لگا دی تھی، جس کے بعد حادثات میں نمایاں کمی آ گئی ہے۔
چنیوٹ لاہور روڈ پر ہیوی ٹریفک، ہیوی لوڈرز، ڈمپرز کے داخلے پر پابندی کے دور رس نتائج سامنے آنے لگے ہیں، ریسکیو کے مطابق پابندی کے بعد 20 روز کے دوران ایک بھی بڑا حادثہ رونما نہیں ہوا۔
پابندی سے قبل روزانہ ڈمپرز کی ٹکڑ سے حادثات رونما ہوتے تھے، اہل علاقہ نے پابندی برقرار رکھنے کا مطالبہ کرتے ہوئے خوشی کا اظہار کیا ہے۔ ڈپٹی کمشنر صفی اللہ گوندل کہتے ہیں کہ نئی سڑک کو ٹوٹ پھوٹ سے بچانے اور حادثات کی روک تھام کے لیے پابندی عائد کی گئی تھی، جس سے مثبت نتائج سامنے آئے۔
کراچی : بس کی ٹکر سے زخمی خاتون اسپتال پہنچ کر چل بسی
شہریوں نے مطالبہ کیا کہ اوور لوڈنگ کرنے والے ڈمپرز کے خلاف مزید سخت کارروائی کی جائے، تاکہ انفراسٹرکچر تباہ ہونے سے بچایا جا سکے۔
واضح رہے کہ کراچی میں ڈمپرز اور ٹرکوں اور دیگر گاڑیوں کی تیز رفتاری کے باعث آئے روز افسوس ناک حادثات ہو رہے ہیں، اور رواں برس چالیس دن میں 100 شہریوں کی قیمتی جانیں ضائع ہو گئی ہیں، لیکن سندھ کی انتظامیہ کی جانب سے تاحال سخت اقدامات نہیں کیے۔
