چنیوٹ: پنجاب میں محکمہ صحت کے ملازمیں خود کئی خطرناک بیماریوں کے شکارنکلے‘ محض چنیوٹ میں 94 فیصد ملازم مختلف امراض کا شکار ہیں۔
تفصیلات کے مطابق چنیوٹ میں محکمہ صحت کے ملازمین کے لیے ایک روزہ کیمپ لگایا گیا جس میں ملازمیں کے مختلف اقسام کے ٹیسٹ کیے گئے جن کی رپورٹ نے محکمہ صحت کی کارکردگی پر سوالیہ نشان اٹھادیئے ہیں۔
ایک روزہ کیمپ میں کل 729 ملازمین کے ٹیسٹ کیے گئے جن میں سے 94 فیصد ملازم مختلف بیماریوں میں مبتلا نکلے‘ طبی کیمپ میں 622 ملازمین کو ہیپاٹائٹس کی ویکسین فراہم کی گئی۔
رپورٹ میں بتایا گیا ہے کہ محکمہ صحت کے 37 ملازمیں شوگر جیسے موذی مرض میں مبتلا ہیں جبکہ 15 ملازمین سانس کی بیماری کا شکار ہیں۔
یاد رہے کہ یہ کیمپ محکمہ صحت کے ملازمین کے لیے لگایا گیا تھا جو کہ سرکاری اسپتالوں میں غربت کی سطح سے نیچے زندگی گزارتے ہیں‘ ان ملازمین کو بنیادی حفاظتی اقدامات کی اشیا جیسا کہ ماسک یا دستانے وغیرہ بھی اکثر اوقات میسر نہیں ہوتے۔
چنیوٹ جیسے بڑے علاقے میں محکمہ صحت کے ملازمیں کی اپنی صحت کی یہ صورتحال نشاندہی کررہی ہے کہ دیہی علاقوں میں یہ صورتحال مزید ناگزیدہ ہوگی اور غریب عوام انہی ملازمین سے علاج کرانے پر مجبور ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
