جسم کے پٹھوں کو مضبوط بنانے کے لیے بازار سے پروٹین پاؤڈر مت خریدیں، بلکہ گھر میں تیار کردہ چاکلیٹ پروٹین شیک بہت مفید ہوتا ہے۔
یہ پروٹین شیک ان تمام افراد کے لیے بہترین ہے جو ڈارک یا کڑوی چاکلیٹ کو پسند کرتے ہیں، تاہم اس کا ذائقہ قدرے میٹھا ہوتا ہے، اس شیک سے آپ 23.6 گرام پروٹین حاصل کر سکتے ہیں، ساتھ ہی یہ آپ کے مزاج کو فوری بہتر بنانے میں بھی مدد گار ثابت ہوگا۔
اجزا:
کٹا ہوا سیب: 1 عدد
بادام کا مکھن: 1 کھانے کا چمچ
ڈارک چاکلیٹ: 1 کھانے کا چمچ
کوکو پاؤڈر: 1 کھانے کا چمچ
دودھ: 1 کپ
دہی: آدھا کپ
کھجوریں: 2 عدد
تیار کرنے کا طریقہ
کٹے ہوئے سیب، کھجور، دودھ، دہی، کوکو پاؤڈر، اور بادام کے مکھن کو بلینڈر میں ڈالیں، اور پھر انھیں اچھی طرح بلینڈ کریں، اب اسے گلاس میں ڈال کر چاکلیٹ کے ٹکڑوں سے سجا کر نوش کریں۔
واضح رہے کہ غیر متوازن غذا کی بدولت پٹھوں پر چکنائی کی تہہ جمع ہو جاتی ہے، جس سے ان کی ساخت متاثر ہونے لگتی ہے، اس صورت میں اس طرح کی غذا کی ضرورت ہوتی ہے جو جسم کی چربی کو کم کر کے پٹھوں کو صحت مند رکھ سکے۔
