The news is by your side.

Advertisement

کرسمس کی خریداری میں مصروف خاتون کو ڈاکو نے گاڑی تلے کچل دیا

واشنگٹن: امریکا میں خاتون کی کرسمس کی خوشیاں مانگ پڑگئیں، اسٹریٹ کرمنل نے گاڑی تلے کچل کر موت کے گھاٹ اتار دیا۔

تفصیلات کے مطابق امریکی ریاست مینیسوٹا میں ڈاکو نے دیدہ دلیری کا مظاہرہ کرتے ہوئے کرسمس کی خریداری کرنے والی خاتون کو دوران واردات موت کے گھاٹ اتار دیا۔

غیر ملکی خبررساں ادارے کے مطابق مینیسوٹا کے علاقے پاؤل میں خاتون کرسمس کی خریداری کرکے اپنا سامان گاڑی میں منتقل کررہی تھی کہ اچانک ڈاکو آ لپکا، گاڑی سے اتر کر بیگ چھیننے کی کوشش کی مزاحمت کے باوجود اسٹریٹ کرمنل نے بیگ نہ چھوڑا اور گاڑی چلا دی۔

اس دوران خاتون کا بیگ گاڑی کی کھڑکی سے اٹکا اور ان کا ہاتھ بیگ کے ہینڈل میں پھنس گیا، ڈاکو نے اس صورت حال کی پرواہ کیے بغیر گاڑی چلا دی جس کے باعث خاتون گاڑی کی سیدھی ٹائروں کے نیچے آگئیں، دریں اثنا ملزم نے امریکی خاتون کو 225 فٹ تک سٹرک پر گھسیٹا جو موت کی وجہ بنی۔

پولیس کا کہنا ہے کہ اس دوران خاتون کے جسم پر گہری چوٹیں آئیں اور ہڈیاں بھی ٹوٹیں، انتہائی تشویشناک حالت کے بعد وہ جانبر نہ ہوسکیں، امریکی شہری کے بیگ میں بھاری رقم اور موبائل فون تھا، خاتون کو کرسمس کی مزید خریداری کرنی تھی۔

پولیس کے مطابق جرائم پیشہ عناصر کا گروہ کرسمس کے موقع پر سرگرم ہوچکا ہے جو 40 یا پھر اس سے زائد عمر کی خواتین کو نشانہ بنا رہا ہے، البتہ علاقے میں اہلکاروں نے سیکیورٹی اور گشت بھی بڑھا دی ہے۔

Comments

یہ بھی پڑھیں