22.3 C
Ashburn
اتوار, مئی 26, 2024
اشتہار

سی آئی اے پولیس انسپکٹر 1لاکھ رشوت لیتے ہوئے رنگے ہاتھوں گرفتار

اشتہار

حیرت انگیز

کراچی : سی آئی اے پولیس انسپکٹر عابدعلی کو 1لاکھ رشوت لیتے ہوئے رنگے ہاتھوں گرفتار کرلیا گیا۔

تفصیلات کے مطابق اینٹی کرپشن سندھ نے کارروائی کرتے ہوئے سی آئی اےپولیس انسپکٹر کو گرفتار کرلیا۔

ڈائریکٹراینٹی کرپشن امتیاز ابڑو نے بتایا کہ انسپکٹرعابدعلی کو 1لاکھ رشوت لیتے رنگے ہاتھوں گرفتار کیا گیا، انسپکٹر شہری عدنان کےخاندان سے پہلے ہی 30 لاکھ وصول کر چکا تھا۔

- Advertisement -

امتیاز ابڑو کا کہنا تھا کہ شہری عدنان دبئی سے کراچی 25 مارچ کو پہنچا تاکہ یورپ جاسکے، 7 اپریل کی رات صدر میں قائم نجی ہوٹل سے عدنان کو اغوا کیا گیا اور عدنان کے خاندان سے انسپکٹرعلی پیسوں کا مطالبہ کرتارہا۔

اینٹی کرپشن سندھ کے مطابق مطلوبہ رقم نہ ملنے پر 19 اپریل کو حب ریورروڈ سے گرفتاری ڈال کر ریمانڈ حاصل کیا گیا اور عدنان کے اہلخانہ سے 30 لاکھ وصول کرنےکے بعد 8 لاکھ کا مزید مطالبہ کیا گیا۔

حکام نے بتایا کہ ایک لاکھ کی رشوت وصول کرتے ہوئے پولیس انسپکٹر کو اینٹی کرپشن نے گرفتار کیا، عابد حسین پرمقدمہ درج کرکے صبح ریمانڈ حاصل کیا جائے گا۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں