اسلام آباد: گردشی قرضہ کم کرنے کیلئے حکومت نے کمرشل بینکوں سے 1270ارب روپے کا قرضہ لےلیا ہے، واپسی کا بوجھ بجلی صارفین پر ڈالا جائےگا۔
تفصیلات کے مطابق گردشی قرضوں کو کم کرنے کےلیے حکومت نے جو 1200 ارب روپے سے زائد کا قرضہ لیا ہے اس کا بوجھ بھی عوام پر ڈالنے کا امکان ہے، سینیٹ خزانہ کمیٹی کو بریفنگ میں بتایا گیا کہ بینک قرضے کی واپسی کا بوجھ بجلی صارفین پر ڈال دیا گیا ہے۔
سلیم مانڈوی والا کی زیرِصدارت سینیٹ کی قائمہ کمیٹی برائے خزانہ کا اجلاس ہوا، جس میں سینیٹ خزانہ کمیٹی کو بریفنگ میں بتایا گیا کہ بجلی بلوں میں اضافی ڈیٹ سروس سرچارج لگ کرآئےگا۔
پاکستان کی توانائی شعبے کا گردشی قرضہ کم کرنے اور سیٹلمنٹ کیلئے آئی ایم ایف کو دوبارہ درخواست
سینیٹ کی قائمہ کمیٹی کو بتایا گیا کہ وزارت توانائی کو اضافی سرچارج عائد کرنے کی فنانس بل میں منظوری دی گئی۔
ذرائع نے بتایا کہ سینیٹ کی قائمہ کمیٹی برائے خزانہ نے ڈیٹ سروس سرچارج کی تجویز منظورکرلی، ماہانہ 10فیصد ڈیٹ سروس سرچارج آئندہ 6 سال بجلی صارفین سے وصول کیا جائے گا۔
