راولپنڈی : بجلی کے بلوں میں اضافے کیخلاف شہری پھٹ پڑے اور کہا بلوں سے اتنے تنگ ہیں کہ اچھا ہو بجلی ہی بند کردی جائے۔
تفصیلات کے مطابق بجلی کے بھاری بلوں نے عوام کے صبر کا پیمانہ لبریز کر دیا ہے، ملک بھر میں احتجاج شہرشہرمظاہرے اور دھرنے جاری ہے۔
بجلی کے بلوں میں اضافے کیخلاف شہری پھٹ پڑے اور بولے بجلی کے بل نہیں یہ غنڈہ ٹیکس ہے، چھوٹے دکانداروں کا روزگار ختم کردیا گیا ہے، لوگوں سے جینے کا حق چھینا جارہا ہے۔
- Advertisement -
شہریوں کا کہنا ہے کہ بل ادا کرنے کی طاقت نہیں رہی ، اتنے تنگ ہیں کہ کہتے ہیں بجلی بند ہی ہوجائے تو اچھا ہوگا۔
شہری نے شکوہ کیا کہ روزگار پر دھیان کیسے دیں ہر وقت بجلی کا بل دینے اور کرایہ ادا کرنے میں مگن رہتے ہیں، سرکاری افسران کے لئے مفت بجلی اور عوام پر بوجھ ڈالا جارہا ہے۔
