The news is by your side.

خاتون سے زیادتی کے الزام میں سینئرسول جج گرفتار

لوئردیر: خیبر پختونخوا میں پولیس نے خاتون سے زیادتی کے الزام میں سینئرسول جج کو گرفتار کرلیا ، رجسٹرار پشاورہائیکورٹ نےسینئرسول جج کو معطل کردیا۔

تفصیلات کے مطابق خیبر پختونخوا کے ضلع لوئر دیر میں خاتون سے زیادتی کے الزام میں ایک سینئرسول جج جوڈیشل کو گرفتار کرلیا گیا۔

ڈسٹرکٹ پولیس آفیسر (ڈی پی او) نے بتایا کہ چترال کی رہائشی خاتون نے سینئرجج پر زیادتی کاالزام عائدکیا، جس کے بعد پولیس نے سول جج کے خلاف مقدمہ درج کرلیا اور خاتون کو میڈیکل کے لیے اسپتال منتقل کردیا گیا ہے۔

پولیس کا کہنا ہے کہ واقعے کی مزید تفتیش مبینہ زیادتی کی شکار خاتون کی میڈیکل رپورٹ کی روشنی میں کی جائے گی۔

دوسری جانب دیرمیں خاتون سے زیادتی کےالزام میں گرفتار سینئرسول جج کو معطل کردیا گیا ، رجسٹرار پشاور ہائی کورٹ نے زیادتی کے الزام میں ملوث جج کو معطل کرتے ہوئے کہا ہے کہ قانون کی نظر میں سب برابر ہیں۔

Comments

یہ بھی پڑھیں