لاہور کے علاقے مصری شاہ میں موبائل فون چھیننے کے دوران مزاحمت کرنے پر ملزمان نے شہری کو قتل کردیا اور فرار ہوگئے۔
پولیس کے مطابق مقتول آفاق اپنے دوست کے ساتھ گلی میں بیٹھا ہوا تھا اسی دوران مسلح ڈاکو وہاں آئے اور آفاق کے دوست سے موبائل فون چھیننے کی کوشش کی۔
پولیس کا کہنا ہے کہ اس موقع پر آفاق نے مزاحمت کی تو ڈاکو نے اس کے سر پر گولی مار دی اور فرار ہوگئے، گولی لگنے کے نتیجے میں نوجوان موقع پر ہی دم توڑ گیا۔
دوسری جانب ڈی آئی جی آپریشنز افضال کوثر نے واقعے کا نوٹس لیتے ہوئے ایس پی سٹی سے رپورٹ طلب کرلی ہے اور پولیس کا کہنا ہے کہ سیف سٹی کیمروں کی مدد سے ملزم کو ٹریس کرنے کی کوشش کی جا رہی ہے۔
Comments
- Advertisement -
