کراچی: جامعہ کراچی کی لائبریری میں گزشتہ روز طلبا تنظیموں میں جھگڑے کی ویڈیو سامنے آگئی۔
اے آر وائی نیوز کے مطابق پولیس کا بتانا ہے کہ جامعہ کراچی کی مرکزی لائبریری میں جھگڑا دو طلبا تنظیموں کے درمیان ہوا جس کے نتیجے میں 4 افراد زخمی ہوگئے۔
پولیس کا کہنا ہے کہ جھگڑے میں زخمی ہونے والے طلبا کو طبی امداد کے لیے اسپتال منتقل کردیا گیا ہے۔
ویڈیو میں دیکھا جاسکتا ہے کہ ہیلمٹ لگائے افراد نے لائبریری کے اندر نوجوانوں پر بدترین تشدد کیا، طلبا تنظیموں کے کارکنان ایک دوسرے پر لائبریری کی کرسیاں پھینک رہے ہیں۔
جامعہ کراچی کی لائنریری میں گزشتہ روز جھگڑے کی ویڈیو سامنے آگئی#ARYNews pic.twitter.com/Wq2O1llMcR
— ARY NEWS (@ARYNEWSOFFICIAL) January 16, 2024
پولیس حکام کا کہنا ہے کہ جامعہ کراچی انتظامیہ نے طلبا تنظیموں کی سرگرمیوں پر پابندی عائد کی ہوئی ہے۔
مبینہ ٹاؤن پولیس کا کہنا ہے کہ واقعے کے بعد کسی نے بھی تھانے میں درخواست جمع نہیں کروائی جبکہ جامعہ کراچی کی سیکیورٹی مزید سخت کردی گئی ہے۔
