The news is by your side.

Advertisement

وزیراعلیٰ بلوچستان نے گوادر میں مختلف منصوبوں کا افتتاح کردیا

کوئٹہ: وزیراعظم عمران خان کے وژن کے تحت جام کمال نے بلوچستان کے شہر گوادر میں مختلف منصوبوں کا افتتاح کردیا۔

تفصیلات کے مطابق مختلف منصوبوں میں 4ارب روپے کی لاگت سے سوڈڈیم تاگوادر پانی کا پائپ لائن بھی شامل ہے۔ جبکہ تیار منصوبوں میں کالج کا ایڈمن بلاک اور مختلف پکی سڑکیں شامل ہیں۔

وزیراعظم کے وژن کے تحت خوشحال اور ترقی یافتہ بلوچستان کے لیے ترقیاتی منصوبے لگائے جارہے ہیں۔ گوادر میں وزیراعلیٰ بلوچستان نے گرین انرجی عمارت کا سنگ بنیاد بھی رکھ دیا۔

دریں اثنا وزیراعلیٰ بلوچستان سے آل پارٹیز رہنماؤں کی ملاقاتیں کیں، اس دوران آل پارٹیز رہنماؤں نے جام کمال کو ماسٹرپلان سے متعلق تحفظات سے آگاہ کیا۔

جام کمال کا کہنا تھا کہ نئے ماسٹر پلان کا سب سے زیادہ فائدہ مقامی آبادی کو ہوگا، شہر کی پرانی آبادی اپنی جگہ پر برقرار رہے گی، ماہ گیری کی صنعت بھی متاثر نہیں ہوگی۔

ملک دشمن قوتیں بلوچستان کے لوگوں کی خوشحالی کے پروگرام کو ناکام بنانا چاہتی ہیں، جام کمال خان

یاد رہے کہ گذشتہ روز وزیراعلیٰ بلوچستان کا اپنے ایک بیان میں کہنا تھا کہ بلوچستان اور پاکستان کی ترقی میں مکران ڈویژن خاص طور سے گوادر کی اہمیت مسلمہ ہے۔

انہوں نے یہ بھی کہا تھا کہ ترقیاتی منصوبوں کا مقصد عوام کو زندگی کی بنیادی سہولتوں کی فراہمی ہے لہٰذا ان کی تکمیل میں کوئی رکاوٹ حائل نہیں ہونے دی جائے گی۔

Comments

comments

یہ بھی پڑھیں