خیبرپختونخوان میں 40 ارب روپے کی مبینہ کرپشن اسکینڈل پر بیرسٹر ڈاکٹر سیف نے ردعمل کا اظہار کیا ہے۔
اپنے بیان میں انہوں نے کہا کہ خیبرپختونخوا حکومت کرپشن کیخلاف زیرو ٹالرنس پالیسی پر عمل پیرا ہے وزیراعلیٰ علی امین گنڈاپورنے40ارب مبینہ کرپشن اسکینڈل کاسخت نوٹس لیا ہے اور شفاف تحقیقات کیلئے متعلقہ اداروں کو فوری کارروائی کی ہدایت جاری کی ہے۔
بیرسٹر سیف نے کہا کہ یہ مبینہ اسکینڈل موجودہ حکومت سے کسی طور منسلک نہیں، رقوم نکالنے کا عمل نگران حکومت کے دور میں ہوا ہے حکومت نےکرپشن کی روک تھام کیلئےسخت قوانین نافذ کئے ہیں اور کرپشن میں ملوث افراد کو ہر صورت قرار واقعی سزا دی جائے گی۔
قبل ازیں خیبرپختونخواحکومت کے مشیر اطلاعات نے ایک بیان میں کہا کہ بھارت کے فالس فلیگ آپریشن کا بھانڈا خود اسکے اپنے جنرل نے پھوڑ دیا ہے۔
انہوں نے کہا کہ بھارتی جنرل کا بیان مودی سرکار کے فاشسٹ نظام کے منہ پر زوردار طمانچہ ہے، مودی فالس فلیگ آپریشن کا دفاع کرنے میں مکمل ناکام ہوچکا ہے۔
بیرسٹر سیف کا کہنا تھا کہ بھارت کےسول وملٹری افسران خودان فالس فلیگ آپریشنزکےگواہ بن رہے ہیں، مودی کا جنگی جنون پورے خطے کے امن کے لیے خطرہ بن چکا ہے۔
انہوں نے کہا کہ بھارت پاکستان میں ریاستی دہشت گردی میں ملوث ہے جس کے ثبوت بھی موجود ہیں، بھارت کو جارحیت سے باز رہنا چاہیے ورنہ سنگین نتائج بھگتنا ہوں گے، پاکستان اپنے دفاع پر کوئی سمجھوتا نہیں کرےگا۔
