پشاور: وزیر اعلیٰ خیبر پختونخوا محمود خان نے اسمبلی کی تحلیل کے لیے منگل کو سمری گورنر کو ارسال کرنے کا اعلان کر دیا۔
سماجی رابطے کی ویب سائٹ ٹوئٹر پر وزیر اعلیٰ محمود خان نے لکھا کہ خیبر پختونخوا اسمبلی کی تحلیل کے لیے سمری منگل کو ارسال کر دی جائے گی۔
محمود خان نے لکھا کہ ان شاء اللہ پاکستان تحریک انصاف دو تہائی اکثریت سے دوبارہ اقتدار میں آئے گی۔
قائد عمران خان کے حکم کے مطابق
خیبر پختونخوا اسمبلی کی تحلیل کیلئے سمری بروز منگل گورنر کو ارسال کردی جائے گی۔
انشاءاللہ تحریک انصاف دوتہائی اکثریت سے دوبارہ حکومت میں آئے گی۔— Mahmood Khan (@IMMahmoodKhan) January 15, 2023
گزشتہ روز انہوں نے ایک تقریب سے خطاب میں اعلان کیا تھا کہ میں بطور وزیر اعلیٰ آج آخری خطاب کر رہا ہوں، کل اسمبلی تحلیل کر دی جائے گی۔
خیال رہے کہ پنجاب اسمبلی آئینی طور پر ازخود تحلیل ہو چکی ہے۔ پرویز الٰہی نے بطور وزیر اعلیٰ اعتماد کا ووٹ لینے کے بعد گورنر بلیغ الرحمٰن کو ایوان کی تحلیل کے لیے سمری بھیجی تھی جس پر انہوں نے 48 گھنٹے کے اندر دستخط نہیں کیے تھے۔