The news is by your side.

Advertisement

آصف زرداری سے وزیراعلیٰ سندھ مراد علی شاہ کی ملاقات

کراچی: سابق صدر آصف علی زرداری اور وزیراعلیٰ سندھ مراد علی شاہ کے درمیان ہونے والی ملاقات میں صوبے اور وفاق کے درمیان تعلقات سے متعلق بات چیت ہوئی۔

تفصیلات کے مطابق آصف زرداری سے وزیراعلیٰ سندھ مراد علی شاہ نے ملاقات کی۔ ملاقات میں وزیراعلیٰ سندھ نے وزیراعظم سے ملاقات سے متعلق سابق صدر آصف علی زرداری کو آگاہ کیا۔

سابق صدر آصف علی زرداری نے وزیراعلیٰ سندھ کو جاری ترقیاتی کام مزید تیز کرنے کی ہدایت کی۔

وزیراعظم اور وزیراعلیٰ سندھ کے درمیان رابطہ، آئی جی سے متعلق گفتگو

اس سے قبل وزیراعظم عمران خان اور وزیراعلیٰ سندھ مراد علی شاہ مکے درمیان ٹیلیفونک رابطہ ہوا۔ وزیراعظم نے وفاقی کابینہ میں آئی جی سے متعلق مشاورت سے آگاہ کیا۔

مراد علی شاہ کا کہنا تھا کہ جونام دیے ان میں سے کسی ایک کو آئی جی بنایا جائے، آئی جی سندھ کے لیے مزید نام نہیں دیں گے۔

میرا تبادلہ اتنی آسانی سے ہونے والا نہیں ہے، آئی جی سندھ کلیم امام

واضح رہے کہ آج کراچی میں منعقدہ ایک تقریب سے خطاب کرتے ہوئے آئی جی سندھ سید کلیم امام نے اپنے تبادلے کی خبر کی تردید کرتے ہوئے کہا تھا کہ ہم تمام پولیس افسران قانون کے تحت کام کرتے ہیں، قانون نافذ کرنے کی کوشش کرتے ہیں تو راہ میں رکاوٹیں بھی پیش آتی ہیں.

آئی جی سندھ پولیس کا کہنا تھا کہ میرا تبادلہ اتنی آسانی سے ہونے والا نہیں ہے، جاؤں گا تو اپنے مقدر سے جاؤں گا اور کسی بڑی جگہ یا نئے مراحل پر جاؤں گا.

fb-share-icon0
Tweet 20

Comments

comments

یہ بھی پڑھیں