کراچی: وزیراعلیٰ سندھ مراد علی شاہ کا کہنا ہے کہ مسلم لیگ ن کراچی میں شکست دیکھ رہی ہے اس لیے اسے یہاں کے لوگوں کی تکلیف کا احساس نہیں ہے۔
تفصیلات کے مطابق کراچی میں پریس کانفرنس کرتے ہوئے وزیراعلیٰ سندھ مراد علی شاہ نے کہا کہ بجلی کی وجہ سے سندھ پریشان ہے اور کراچی سے بدلہ لیا گیا ہے۔
مراد علی شاہ کا کہنا تھا کہ وزیراعظم نے کے الیکٹرک اور سوئی سدرن کا مسئلہ مفتاح اسماعیل کے حوالے کیا، بجلی کے معاملے پرآج بھی مفتاح اسماعیل سے بات کرنے کی کوشش کی پرنہ ہوسکی۔
وزیراعلیٰ سندھ کا کہنا تھا کہ ہمیں کہا جاتا ہے کہ ایل این جی لے لیں، کیوں لے لیں سندھ کے عوام کا پہلا حق گیس پر ہے۔
مراد علی شاہ کا کہنا تھا کہ نیپرا نے اپنی رپورٹ میں کےالیکٹرک کوبھی ذمہ دارقرار دیا، معاملات عوام کے سامنے رکھ دیے۔
وزیراعلیٰ سندھ کا کہنا تھا کہ وزیراعلیٰ ہاؤس کے سامنے دھرنا دینے کا فائدہ نہیں ہے سب جماعتیں مل کروزیراعظم ہاؤس کے سامنے دھرنا دیتے ہیں۔
کراچی میں بدترین لوڈشیڈنگ، دورانیہ16 گھنٹے تک پہنچ گیا
مراد علی شاہ کا کہنا تھا کہ شہید بینظیرآباد میں 16 گھنٹے، مورو میں 22 گھنٹے، سکھرمیں 14 گھنٹے، میرپورخاص میں 12، لا ڑکانہ میں 16 گھنٹے، حیدرآباد میں 14گھنٹے اور کوٹری میں 16گھنٹے لوڈشیڈنگ کی جارہی ہے، یہ سندھ دشمنی نہیں تو اورکیا ہے۔
وزیراعلیٰ سندھ کا کہنا تھا کہ سندھ حکومت کا کوئی افسرغلط کام کرے گا تواس کے خلا ف کارروائی کروں گا، کرپشن میں جو بھی ملوث ہے نیب کےساتھ بھرپورتعاون کریں گے۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔
