لاہور: وزیر اعلیٰ پنجاب پرویز الٰہی کا کہنا ہے کہ چیئرمین تحریک انصاف عمران خان کے ساتھ دل و جان سے ہیں اور ساتھ دیتے رہیں گے۔
پرویز الٰہی نے ٹوئٹر پر جاری اپنے ایک بیان میں کہا کہ مسلم لیگ (ق) متحد ہے اور متحد رہے گی، افواہیں پھیلانے والے مخصوص ایجنڈے پر چل رہے ہیں، اختلافات کا پروپیگنڈا کرنے والوں کے مذموم عزائم ناکام ہوں گے۔
وزیر اعلیٰ نے بتایا کہ مسلم لیگ (ق) کی پارلیمانی پارٹی کا اجلاس ہوا جس میں سیاسی صورتِ حال کا تفصیلی جائزہ اور مستقبل کی حکمت عملی طے کی گئی۔
انشاء اللہ عمران خان کے ساتھ دل و جان سے ہیں اور ساتھ دیتے رہیں گے۔مسلم لیگ قائداعظم متحد ہے اور متحد رہے گی۔ افواہیں پھیلانے والے مخصوص ایجنڈے پر چل رہے ہیں اوراختلافات کا پراپیگنڈہ کرنے والوں کے مذموم عزائم ناکام ہوں گے-
— Ch Parvez Elahi (@ChParvezElahi) December 21, 2022
اجلاس میں پارٹی کے ایم پی اے ساجد بھٹی، عمار یاسر، شجاعت نواز، عبد اللہ وڑائچ، محمد رضوان، احسان الحق، محمد افضل، خدیجہ عمر، باسمہ چوہدری، ایم این اے حسین الٰہی نے بھی شرکت کی۔
مسلم لیگ قائداعظم کی پارلیمانی پارٹی کا اجلاس- اجلاس میں سیاسی صورتحال کا تفصیلی جائزہ لیا گیا اور مستقبل کی حکمت عملی طے کی گئی pic.twitter.com/Er2G0RTeeL
— Ch Parvez Elahi (@ChParvezElahi) December 21, 2022
