گوجرنوالہ: وزیراعلیٰ پنجاب پرویز الہی نے اعتماد کا ووٹ لینے سے انکار کرتے ہوئے کہا کہ حکومت مضبوط ہے،اعتماد کےووٹ کی ضرورت نہیں۔
تفصیلات کے مطابق وزیرآباد کارڈیالوجی اسپتال میں وزیراعلیٰ پنجاب پرویز الہی نے میڈیا سے گفتگو کرتے ہوئے کہا کہ لاہور میں ویسٹ مینجمنٹ کیلئے غیرملکی کمپنی کولیکرآرہےہیں، حکومت اللہ نےدی ہے جو نیتوں کےحال جانتا ہے۔
پرویز الہی کا کہنا تھا کہ 25 تاریخ کو جوان کا حال ہوا تھا ان کی زبانیں باہرآئی ہوئی تھیں، یہ سارے نالائق ن لیگ والے پیچھےرہ جائیں گے، شہبازشریف ایکسپوز ہوگیا ہے۔
وزیراعلیٰ پنجاب نے اعتماد کا ووٹ لینے سے انکار کرتے ہوئے کہا کہ مجھے اعتماد کے ووٹ کی کوئی ضرورت نہیں، ہم گورنرپنجاب کا حکم نہیں مانتے، گورنر کبھی گاڑیاں مانگتا ہے تو کبھی کچھ، ایک پیسا بھی نہیں دیں گے۔
انھوں نے وزیر آباد حملے پر امریکا میں مقیم آئی جی پنجاب سے تحقیقات کیلئے ٹیم بھیجنے کا اعلان کرتے ہوئے کہا کہ شہبازشریف نے آئی جی کو امریکا بھیج دیا ہے، یہ ہمارے لیے بھی ایک لمحہ فکریہ ہے۔
پرویز الہی نے بتایا کہ ہم نے تو کہا تھا وزیر آباد میں پی ٹی آئی والے افسران خود لگالیں، پی ٹی آئی قیادت کو ذمہ دارانہ بیان دینے چاہیں ، ان کی اپنی حکومت ہے۔
وزیراعلیٰ پنجاب کا کہنا تھا کہ قائد اعظمؒ کے بعد عمران خان جیسا ایماندار لیڈر پہلی بارپاکستان کو ملا ہے، عمران خان جیسا لیڈرپاکستان میں پیدا نہیں ہو گا، عمران خان کی قیادت میں پاکستان کوبہت ترقی کرنی ہے۔
