لاہور : وزیراعلیٰ پنجاب پرویز الہٰی کی ہدایت پر صحافیوں پر تشدد میں ملوث ایس ایچ او اور اہکاروں کو معطل کردیا گیا۔
تفصیلات کے مطابق وزیراعلیٰ پنجاب پرویز الہٰی نے کامونکی میں لانگ مارچ کی کوریچ کرنے والے اے آر وائی نیوز اور دیگرمیڈیا نمائندوں پر تشدد کے واقعہ کا نوٹس لیتے ہوئے انسپکٹر جنرل پولیس سے رپورٹ طلب کرلی۔
پرویز الہٰی نے ذمہ دارپولیس افسران کیخلاف کارروائی کا بھی حکم دیتے ہوئے کہا صحافیوں پر تشدد قابل قبول نہیں۔
وزیراعلیٰ چودھری پرویز الٰہی کے نوٹس پر ایس ایچ او تھانہ کامونکی سٹی منظر سعید اور تشدد میں ملوث اہلکاروں کو کو معطل کر دیا گیا۔
وزیر اعلی پنجاب کا کہنا ہے کہ معطل ایس ایچ او کے خلاف محکمانہ کارروائی بھی کی جائے اور واقعہ کی تحقیقات کرکے 48 گھنٹے میں رپورٹ پیش کی جائے۔
دوسری جانب ترجمان پنجاب حکومت مسرت جمشید چیمہ نے صحافیوں پر تشدد جیسے واقعات کی پر زور مذمت کرتے ہوئے پولیس افسران کوہدایات دی ہیں آئندہ ایسے واقعات پیش نہ آئیں۔
