لاہور : وزیراعلیٰ پنجاب عثمان بزدار کا کہنا ہے کہ اپوزیشن رہنماؤں کے اصل چہرے قوم کے سامنے بے نقاب ہوچکے ہیں، احتساب ہمارا قومی مشن ہے، جس سے کسی صورت پیچھے نہیں ہٹیں گے۔
تفصیلات کے مطابق وزیراعلیٰ پنجاب عثمان بزدار نے اراکین پنجاب اسمبلی سے ملاقات کی، ملاقات کرنے والوں میں خیال احمد کاسترو،عمر فاروق، شہباز احمد و دیگر شامل تھے۔
وزیراعلیٰ پنجاب نے اراکین پنجاب اسمبلی سے گفتگو کرتے ہوئے کہا احتجاجی سیاست کرنے والے کرپشن اور لوٹ مار سے توجہ ہٹانا چاہتے ہیں، ذاتی مفاد کا قومی مفادات پرغالب آنا افسوسناک ہے۔
عثمان بزدار کا کہنا تھا کہ منفی سیاست کرنے والوں نے عوام کی بنیادی ضرورت کوفراموش کئے رکھا، قوم جانتی ہےکہ اپوزیشن کس مقصدکیلئےاکٹھی ہوئی ہے، اپوزیشن رہنماؤں کے اصل چہرے قوم کے سامنے بے نقاب ہوچکے ہیں۔
انھوں نے مزید کہا کہ تحریک انصاف کی حکومت کرپشن کےخاتمےکیلئےپرعزم ہے، احتساب ہماراقومی مشن ہےجس سےکسی صورت پیچھےنہیں ہٹیں گے، ترقی کےعمل میں عوامی نمائندو ں کی مشاورت کواہمیت دی گئی ہے، اپوزیشن ترقی کےسفرکوروکنےکےدرپےہے۔
