The news is by your side.

Advertisement

وزیراعلیٰ پنجاب عثمان بزدار کا استعفیٰ منظور کرلیا گیا

لاہور : وزیراعلیٰ پنجاب عثمان بزدار کا استعفیٰ منظور کرلیا گیا، جس کے بعد تحریک عدم اعتماد غیرمؤثر ہوگئی۔

تفصیلات کے مطابق گورنرپنجاب چوہدری سرور نے وزیراعلیٰ پنجاب عثمان بزدار کا استعفیٰ منظور کرلیا، عثمان بزدار کا استعفیٰ منظور سے تحریک عدم اعتماد غیرمؤثر ہوگئی۔

عثمان بزدار کے استعفے کی منظوری کے بعد پنجاب اسمبلی کا اجلاس کل طلب کرلیا گیا ہے، اجلاس میں قائد ایوان کے چناؤکامعاملہ زیر بحث آئے گا۔

ذرائع کا کہنا ہے کہ گورنر پنجاب اور وزیراعظم کی ملاقات اسلام آباد میں ہوئی، جس میں استعفے کی منظوری کا فیصلہ کیا گیا اور وزیراعظم سے ملاقات کے بعد گورنرپنجاب نے استعفیٰ منظور کیا۔

اس سے قبل گورنر پنجاب چوہدری محمد سرور نے وزیراعلیٰ پنجاب کا استعفیٰ منظور کرنے کی خبروں کی سختی سے تردید کی تھی۔

یاد رہے وزیراعلیٰ پنجاب عثمان بزدار کی جانب سے تیس مارچ کو بطور وزیراعلیٰ پنجاب استعفیٰ گورنر پنجاب چوہدری محمد سرور کو بھیجا گیا تھا۔

خیال وزیراعلیٰ پنجاب نے تیس مارچ کو اسلام آباد میں وزیراعظم عمران خان سے اہم ترین ملاقات کی تھی جس میں انہوں نے اپنا استعفیٰ وزیراعظم کو دیا تھا۔

بعد ازاں وزیراعظم عمران خان اور اسپیکر پنجاب اسمبلی اور ق لیگ کے رہنما چوہدری پرویز الٰہی کی ملاقات ہوئی تھی اور اسی ملاقات میں وزیراعظم نے پرویز الہٰی کو نیا وزیراعلیٰ پنجاب نامزد کرنے کا اعلان کیا تھا۔

واضح رہے عثمان بزدار نے 20اگست 2018 کو وزیراعلیٰ کےعہدے کا حلف اٹھایا تھا۔

Comments

یہ بھی پڑھیں