لاہور: وزیراعلیٰ پنجاب شہبازشریف نے یوم پاکستان پر اپنے پیغام میں کہا کہ قوم کو مسائل سے نکالنے کے لیے مخلصانہ کاوشیں کررہے ہیں۔
تفصیلات کے مطابق وزیراعلیٰ پنجاب شہبازشریف نے یوم پاکستان پرقوم کو مبارکباد دیتے ہوئے کہا کہ قرارداد پاکستان آزادی کی جدوجہد میں اہم سنگ میل ہے۔
شہبازشریف نے کہا کہ آج تحریک آزادی کے شہدا کوخراج عقیدت پیش کرنے کا دن ہے جبکہ آزادی کے تحفظ کے لیے باہمی تعاون، خیرسگالی کوفروغ دینا ہوگا۔
وزیراعلیٰ پنجاب نے کہا کہ قوم کو مسائل سے نکالنے کے لیے مخلصانہ کاوشیں کررہے ہیں، پاکستان کوعظیم سےعظیم تربنا کرقائد کا خواب پوراکریں گے۔
یوم پاکستان پرصدرپاکستان اور وزیراعظم کا پیغام
دوسری جانب صدر پاکستان ممنون حسین اور وزیراعظم شاہد خاقان عباسی نے یوم پاکستان پر اپنے پیغام میں کہا کہ پاکستان کی ترقی اوراستحکام کا رازجمہوریت میں پوشیدہ ہے۔
خیال رہے کہ چیئرمین سینیٹ صادق سنجرانی کا کہنا ہے کہ پاکستان کا قیام جنوبی ایشیا میں پائیدارامن کی ضمانت تھا، یوم پاکستان تجدید عہد وفا کا دن ہے، اختلافات بھلاکر تعمیروترقی کیلئے ملی اتحاد کا مظاہرہ کرنا ہوگا۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
